見到這間餃子店外有著名食家蔡生的推介，就入去試下 ...
超級口渴的囡囡即刻點了杯冰凍的 ... 山楂雪梨水 HK$15
囡囡話味道不錯仲好似儍媽煲的糖水咁，很滋潤但是唔夠甜喎
當然喇 !!! 這兒主張健康，少鹽、少油和少糖的嘛 !!!
儍媽好想食的 ... 黃金原味皮蛋 HK$25 ... 金黃色、晶瑩剔透的賣相很吸引 !!!
皮蛋白很軟身有點似啫喱，配以酸辣的醬汁一起食，很醒胃
餐牌上有多款餃子，唔知揀邊款好的時候 ...
老闆就推介這兒的招牌 ... 至尊松茸豬肉餃子
可以揀灼或煎餃子，亦可以揀 8 隻中碗或 12 隻大碗
我們點了客 8 隻中碗至尊松茸豬肉餃子跟狀元九鼎湯 HK$65
餡料有雲南乾松茸和豬肉，食落去肉餡結實，肉汁豐富，很香松茸味，不錯
店家以古法虔製，絶無味精的 ... 狀元九鼎湯
即是我愛飲的粉葛鯪魚側魚湯，可以袪濕和養頻保健
湯頭鮮甜，味道較淡，好有住家湯的味道，很啱我口味，重口味者可以自行加鹽調味
囡囡點的 ... 香煎軟心芝士餃
有 HK$48 的中碗 7 隻餃子 和 HK$55的大碗 10 隻餃子揀，我們點了較抵食的大碗
外皮煎到香脆可口，加上裡面溶化的芝士漿和香甜的粟米粒
滋味濃郁，記住趁熱食呀 !!!
枱上面有一大瓶店家自家醃製的酸菜
裡面有爽脆好食的蘿蔔粒和青紅辣椒粒，任舀任食
亦有很多拌食的醬料，辣椒醬、麻辣醬、青瓜醬等 ...
餃掂手工餃子雲吞專門店
香港 九龍 太子 界限街 30 號 地下
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言